काठमाडौँ — सभापति थापाले दिएको राजीनामा अस्वीकृत भएपछि उनी पुनः सक्रिय रूपमा पार्टी गतिविधिमा फर्किएका छन्। राजीनामा स्वीकार नगर्ने निर्णय आएपछि थापा आज पार्टी केन्द्रीय कार्यालय पुगेका हुन्।
कार्यालय पुगेर उनले नेता–कार्यकर्तासँग भेटघाट गर्दै पछिल्लो राजनीतिक अवस्था र पार्टीभित्रको परिस्थितिबारे छलफल गरेका छन्। स्रोतका अनुसार, उनले पार्टीलाई एकताबद्ध बनाएर अघि बढ्ने सन्देश दिएका छन्।
यसअघि आन्तरिक असन्तुष्टि र समसामयिक राजनीतिक घटनाक्रमका कारण थापाले पदबाट राजीनामा दिएका थिए। तर, पार्टीभित्रैबाट व्यापक दबाब र समर्थन आएपछि उनको राजीनामा अस्वीकृत गरिएको हो।
थापाको यो कदमले पार्टीभित्रको विवाद साम्य पार्ने र आगामी रणनीति तय गर्न मद्दत पुग्ने अपेक्षा गरिएको छ।
