संस्कृति, पर्यटन तथा नागरिक उड्डयनमन्त्री अनिलकुमार सिन्हा ले भाषा आयोगका सदस्य, वरिष्ठ पत्रकार एवं साहित्यकार सुरेशकिरण मानन्धर को पार्थिव शरीरमा बुधबार राष्ट्रिय झण्डा ओढाएर श्रद्धाञ्जली अर्पण गर्नुभएको छ। 🕯️
५७ वर्षका मानन्धरको सोमबार बेलुका हृदयाघातका कारण उपचारका क्रममा मनमोहन कार्डियोलोजी केन्द्र, त्रिभुवन विश्वविद्यालय शिक्षण अस्पताल मा निधन भएको थियो।
उनको पार्थिव शरीरलाई काठमाडौँका विजेश्वरी, ढल्को, क्षेत्रपाटी, ट्यग, बागेमुढा, भेडासिं र नरदेवी हुँदै अन्तिम श्रद्धाञ्जलीका लागि परिक्रमा गराई अन्ततः इन्द्रायणी घाट मा अन्तिम संस्कार गरिएको छ। 🙏
मानन्धर नेपाली पत्रकारिता, भाषा तथा साहित्य क्षेत्रमा सक्रिय व्यक्तित्वका रूपमा परिचित थिए।
