जेन–जी विद्रोह र दलित मुक्तिमा क्रान्तिकारी विचार निर्माणको सवाल विषयक अन्तरक्रिया कार्यक्रम सम्पन्न
ललितपुर — दलित जेन–जी एलाइन्स (Dalit Gen-Z Alliance) र दलित नागरिक समाज (Dalit Civil Society) को संयुक्त आयोजनामा “जेन–जी विद्रोह र दलित मुक्तिमा क्रान्तिकारी विचार निर्माणको सवाल” विषयक अन्तरक्रिया कार्यक्रम आज सम्पन्न भएको छ।
कार्यक्रममा दलित समुदायका अगुवा, सामाजिक न्यायका अभियन्ता, युवा विद्रोही चेतनाका प्रतिनिधि, बौद्धिकहरू तथा सञ्चारकर्मीहरूको उल्लेखनीय उपस्थिति रहेको थियो। सहभागीहरूले जेन–जी पुस्तामा बढ्दो प्रतिरोध, असमानता विरुद्धको विद्रोही चेतना, सामाजिक रूपान्तरणमा डिजिटल अभियानको प्रभाव तथा दलित मुक्तिको दिगो रणनीति सम्बन्धमा विस्तृत छलफल गरेका थिए।
वक्ताहरूले संविधानसम्मत समानता, भेदभाव उन्मूलन, संरचनागत दमनविरुद्ध सामूहिक प्रतिवाद, नीति निर्माणमा युवाको भूमिका तथा सामाजिक न्यायका मुद्दाहरूलाई बलियो आवाजसहित अघि बढाउनु पर्नेमा जोड दिए। साथै, दलित समुदायका समस्या—शिक्षा, रोजगारी, भूमि अधिकार, न्याय–सुरक्षा तथा राज्य संयन्त्रमा प्रतिनिधित्व—समाधानका लागि एकीकृत दृष्टिकोण आवश्यक रहेको निष्कर्ष कार्यक्रमले निकालेको छ।
कार्यक्रमका आयोजक दलित जेन–जी एलाइन्स र दलित नागरिक समाज ले आगामी दिनमा युवाहरूसँग मिलेर दलित अधिकार, पहिचान, समानता र सामाजिक न्यायका विषयमा थप सशक्त कार्यक्रम सञ्चालन गर्ने प्रतिबद्धता व्यक्त गरेका छन्।
