२०८२ असार १७, काठमाडौं – स्वीस सरकारको विकास सहयोग (SDC) अन्तर्गत सुरक्षित आप्रवासन (सामी) कार्यक्रम, तेस्रो चरणको सिकाइ तथा अनुभव आदान-प्रदान कार्यक्रम सम्पन्न भएको छ।
यस कार्यक्रममा प्रमुख अतिथिका रूपमा उपस्थित श्रम, रोजगार तथा सामाजिक सुरक्षा मन्त्री शरतसिंह भण्डारीज्यूले सम्बोधन गर्नुहुँदै सुरक्षित आप्रवासनका लागि सरकारी र गैरसरकारी साझेदारीको महत्वबारे चर्चा गर्नुभयो। उहाँले सुरक्षित आप्रवासनको वातावरण सिर्जना गर्न, आप्रवासी श्रमिकहरूको हक–अधिकारको संरक्षण गर्न, र उनीहरूलाई उद्यमशीलतामा प्रेरित गर्न यो कार्यक्रम प्रभावकारी भएको उल्लेख गर्नुभयो।
कार्यक्रममा सहभागीहरूले तेस्रो चरणका अनुभव, सिकाइ, र चुनौतीबारे छलफल गर्दै भविष्यका रणनीति निर्माणमा सुझावहरू प्रस्तुत गरेका थिए। सुरक्षित आप्रवासनको दिगो अभ्यास र यसका लाभहरूको प्रोत्साहनका लागि सहभागीहरूले यस किसिमका कार्यक्रमको आवश्यकता औंल्याएका छन्।
एसडीसीको नेतृत्वमा सञ्चालन हुने यो कार्यक्रमले हजारौं आप्रवासी श्रमिकहरूलाई सक्षम र सुरक्षित बनाउन योगदान पुर्याएको छ।
