ललितपुर -: ललितपुरको सातदोबाटोस्थित मदन भण्डारीको प्रतिमामा उहाँको जयन्तीको अवसरमा माल्यार्पण कार्यक्रम सम्पन्न भएको छ।
कार्यक्रममा विभिन्न राजनीतिक दलका प्रतिनिधिहरू, स्थानीय समुदायका अगुवा, र सर्वसाधारणको उल्लेखनीय सहभागिता रहेको थियो।
माल्यार्पण समारोहमा मदन भण्डारीको प्रतिमामा पुष्पगुच्छा अर्पण गरी उहाँप्रति श्रद्धाञ्जली व्यक्त गरियो।
मदन भण्डारीको राजनीतिक योगदान र जनआन्दोलनमा उहाँको भूमिकाबारे चर्चा गरियो।
उहाँको “जनताको बहुदलीय जनवाद” (ज.ब.ज.) सिद्धान्तलाई नयाँ पुस्तामा परिचित गराउनुपर्नेमा जोड दिइयो।मदन भण्डारीको स्मृतिलाई अझै जिवन्त राख्न ललितपुर महानगरपालिकाले प्रतिमा र वरपरको क्षेत्रलाई व्यवस्थित गर्दै थप सौन्दर्यकरण गर्ने योजना अघि सारेको जानकारी गराइएको छ।
