यल, असार २८ -ः ललितपुर महानगरपालिका सामाजिक विकास समितिया ग्वाहाली तथा ज्यापु समाज यलया चतुर्थ न्वकुया अवसरय् आयोजना यानागु पलाःया ग्वासालय जुगु चाःया थीथी हलज्वलँ दयेकेगु तालिम सफलतापूर्वक सम्पन्न जुल। तालिम समापन तथा न्वच् कार्यक्रम धुमधामया आयोजना यानादिल।
कार्यक्रमय् भाजु बिष्णुहरि महर्जनया सभापतित्वय् ललितपुर महानगरपालिका प्रवक्ता, सामाजिक विकास समिति संयोजक एवं वडा नं. ९ अध्यक्ष भाजु राजु महर्जनजु मू पाहाँया हैसियतय् सहभागी जुल। बिशेष पाहाँया रूपमा ललितपुर महानगरपालिका सामुदायिक विकास शाखाया प्रमुख एवं ज्यापु समाज यलया चतुर्थ न्वकु मय्जु सरिता महर्जन उपस्थित जुया दसि पौ लःल्हायादिल।
मू पाहाँ भाजु राजु महर्जनजुय् मतिनाया चिं लःल्हाय् परम्परागत नेवाः सीप, कला व संस्कृतिया संरक्षण तथा नयाँ पुस्तायात हस्तान्तरण यायेगु आवश्यकताया बारे जोड बियादिल। मय्जु सरिता महर्जनय् ललितपुर महानगरपालिकाय् समुदायस्तरय् यानादीगु यस्ता तालिमय् स्थानीय सीप संरक्षणया महत्वपूर्ण भूमिका खेल्ने धकाः बियादिल।
थ्व अवसरय् तालिम प्रशिक्षक भाजु हरि प्रजापतिजुयात न्वच् यानादिल। न्ह्याःगु योगदानया कदर यानात भाजु बाबुराजा अवाले व भाजु तरिकाजी अवालेयात न्वच् यानादीगु जुल।
कार्यक्रमय् ग्वाहाली यानादीपिं संस्थायात शुभाय् पौ बियादिल। श्री अवाले देवाली मन्दिर तथा जग्गा संरक्षण गुथि तथा भाजु बाबुराजा महर्जन “ज्याप्” रेन्टल सामग्री बिया ग्वाहाली यानादीगुलिं विशेष सम्मान यानादिल।
तालिम सफलतापूर्वक सम्पन्न यानागु अवसरय् प्रशिक्षार्थी प्रबिन अवाले व सुरेना महर्जनयात न्वच् यानादीगु जुल। सहभागीपिंय् थ्व खालया तालिमय् परम्परागत नेवाः सीप, संस्कृतिया संरक्षण तथा समुदायया ऐक्यबद्धतायात थप बल बियाये धकाः मंतव्य धाल।
