काठमाडौँ । नेकपा (एमाले) को अध्यक्ष पदमा क. केपी शर्मा ओली भारी मतका साथ पुनः निर्वाचित हुनुभएको छ। पार्टीको महाधिवेशनमा सम्पन्न मतदानमा उहाँले आफ्ना प्रतिस्पर्धीहरूलाई स्पष्ट अन्तरले पराजित गर्दै नेतृत्वमा निरन्तरता पाउनुभएको हो।
विजयपछि सम्बोधन गर्दै अध्यक्ष ओलीले पार्टीलाई एकताबद्ध बनाएर संगठन सुदृढीकरण, जनआधार विस्तार र समृद्ध नेपालको अभियानलाई थप तीव्र बनाउने प्रतिबद्धता व्यक्त गर्नुभयो। परिणामसँगै नेकपा एमाले भित्र नेतृत्वको स्थायित्व कायम भएको छ भने आगामी राजनीतिक कार्यदिशा स्पष्ट हुने अपेक्षा गरिएको छ।
