काठमाडौँ भाद्र ३१ -ः राष्ट्रपति रामचन्द्र पौडेलले राष्ट्रिय सभाको चालु अधिवेशन अन्त्य गरेका छन्। मङ्गलबार राति १२ बजेदेखि अधिवेशन अन्त्य भएको हो।
राष्ट्रपतिको कार्यालयले जारी गरेको विज्ञप्तिअनुसार, नेपालको संविधानको धारा ९३ को उपधारा (२) बमोजिम, नेपाल सरकार मन्त्रिपरिषद्को २०८२ भदौ ३० गतेको सिफारिसमा राष्ट्रिय सभाको अधिवेशन अन्त्य गरिएको हो।
राष्ट्रपति कार्यालयका प्रवक्ता प्रदीप कुमार कोइरालाद्वारा हस्ताक्षरित विज्ञप्तिमा भनिएको छ,
“सम्माननीय राष्ट्रपति श्री रामचन्द्र पौडेलज्यूले नेपालको संविधानको धारा ९३ को उपधारा (२) बमोजिम नेपाल सरकार, मन्त्रिपरिषद्को मिति २०८२/०५/३० को सिफारिसमा राष्ट्रिय सभाको चालु अधिवेशन संवत् २०८२ साल भदौ ३१ गते मङ्गलबार राति १२ः०० बजेदेखि अन्त्य गर्नुभएको छ।”
