काठमाडौं, भदौ ३ —
नाडा अटोमोबाइल्स एसोसिएसन अफ नेपालद्वारा आयोजित नाडा अटो शो २०२५ मा नेपालमै पहिलो पटक भित्रिएको ईभीटोल (eVTOL) उड्ने ट्याक्सी लाई सार्वजनिक गरिएको छ।
उक्त ऐतिहासिक प्रविधिलाई औपचारिक रूपमा प्रधान मंत्री केपी शर्मा ओलीले उद्घाटन गर्दै देशमा आधुनिक प्रविधिको युग आरम्भ भएको घोषणा गरे। कार्यक्रमको मुख्य आकर्षण बनेको यो उड्ने ट्याक्सी “दीपल” कम्पनीद्वारा निर्मित हो र यसले शून्य कार्बन उत्सर्जनसहित ऊर्जा-दक्ष र पर्यावरणमैत्री परिवहनको सम्भावना बोकेको छ। “यो उड्ने ट्याक्सी नेपालमा प्रविधिको नयाँ अध्यायको सुरुआत हो। हामीले यस्तो नवीनतम प्रविधिलाई स्वागत गर्दै पूर्वाधार निर्माणतर्फ पनि ध्यान दिनुपर्छ,”
eVTOL भनेको “Electric Vertical Take-Off and Landing” को संक्षिप्त रूप हो, जसले सिधै माथि उड्ने र अवतरण गर्ने क्षमता राख्दछ। यो हेलिकप्टर र ड्रोनको मिश्रित प्रविधि हो जसलाई भविष्यको शहरी हवाई यातायातको वैकल्पिक माध्यमको रूपमा लिइँदैछ।
✈️ दीपलको eVTOL का विशेषता हरु
• पूर्णतया बिजुलीमा चल्ने
• शून्य धुवाँ र ध्वनि प्रदूषण
• एकै पटक २–५ यात्रु ओसारपसार गर्ने क्षमता
• २००–३०० किमी सम्मको दायरा
• आपतकालीन सेवा, टुरिज्म, तथा सहरभित्रको ट्राफिक कम गर्न उपयोगी
नाडा अटो शोमा उक्त eVTOL हेर्न आएका हजारौं दर्शक र प्राविधिक विज्ञहरूले यसको उपयोगिता र भविष्यमुखी सम्भावनाबारे चासो देखाए। शोमा विभिन्न अटो कम्पनीहरूको नयाँ ईभी, हाइड्रोजन कार, र स्मार्ट टेक्नोलोजीसमेत प्रदर्शित गरिएको छ।
