काठमाडौं, — सरकारले सुनमा लगाएको विलासिता करको विरोधमा नेपाल सुनचाँदी व्यवसायी महासंघको प्रतिनिधिमण्डलले नेपाल राष्ट्र बैंक टक्सार महाशाखासँग भेटघाट तथा छलफल गरेको छ।
महासंघका पदाधिकारीहरूले भेटका क्रममा सुनचाँदी व्यवसाय प्रभावित भएको, कालोबजारी र तस्करी बढ्ने खतरा रहेको, साथै व्यवसायीहरूको दैनिकी नै संकटमा परेको भन्दै तत्काल कर हटाउन माग गरेका थिए।
टक्सार महाशाखाका अधिकारीहरूले व्यवसायीहरूको चिन्ता र सुझावलाई नीति निर्मातासमक्ष पुर्याउने आश्वासन दिएका छन्।
यसअघि पनि सुनचाँदी व्यवसायीहरू कर खारेजको माग गर्दै विरोध कार्यक्रमहरू सञ्चालन गरिसकेका छन्।
