ललितपुर महानगरपालिका–१६ का अध्यक्ष निर्मलरत्न शाक्यले भुल्खु टोल सुधार समितिका अध्यक्ष श्री चन्द्रकृष्ण श्रेष्ठलाई आगलागी नियन्त्रणमा प्रयोग हुने पानीको पाइप र पाईपमा लाग्ने नोजल सेट हस्तान्तरण गर्नुभएको छ।
यो उपकरण टोलको सुरक्षा र आपत्कालीन समयमा तत्काल आगलागी नियन्त्रणमा सहयोग पुर्याउने उद्देश्यले प्रदान गरिएको हो। यस कदमले स्थानीय समुदायको अग्नि सुरक्षालाई सुदृढ बनाउँदै, समाजमा थप सुरक्षित वातावरण निर्माण गर्न योगदान गर्ने अपेक्षा गरिएको छ।
