ललितपुरमा लागु औषध एवं ओसारपसार विरुद्धको अन्तर्राष्ट्रिय दिवसको अवसरमा आयोजित सचेतना कार्यक्रममा, ललितपुर महानगरपालिकाका उपमेयर मंजली शाक्य बज्राचार्यले बुद्धको पंचशीलका सिद्धान्तहरूमध्ये एक शील – “मद्यपान र नशालु पदार्थ सेवनबाट टाढा रहनु” को महत्त्वबारे आफ्ना विचार प्रस्तुत गरिन्।
उपमेयर बज्राचार्यले भन्नुभयो:
“बुद्धको पंचशीलले हाम्रो जीवनलाई नैतिक र अनुशासित बनाउन मार्गदर्शन गर्छ। यसमध्ये ‘मद्यपान तथा नशालु पदार्थ सेवनबाट परहेज’ गर्ने शीलले व्यक्तिको मानसिक र शारीरिक स्वास्थ्यमा सकारात्मक प्रभाव पार्छ। लागु औषधको दुर्व्यसनले व्यक्ति, परिवार र समाजमा नकारात्मक प्रभाव पार्ने हुँदा यसबाट मुक्त रहन बुद्धका यी शिक्षाहरू मार्गदर्शक हुन सक्छन्।”
उहाँले युवाहरूलाई लक्ष्य गर्दै थप जोड दिनुभयो:
- “युवा पुस्तालाई सही दिशा दिनु आजको मुख्य आवश्यकता हो। शिक्षा र सचेतना कार्यक्रमहरू मार्फत लागु औषधको जोखिमबारे उनीहरूलाई बुझाउनुपर्छ।”
- “समाजको सबै वर्ग मिलेर मात्रै लागु औषध दुर्व्यसनीविरुद्ध सफल परिणाम हासिल गर्न सकिन्छ।”
