ललितपुर २०८२ कार्तिक २५ — ललितपुर जिल्ला बचत तथा ऋण सहकारी संघको ३१औं वार्षिक साधारणसभा सम्पन्न भएको छ। सभाको अवसरमा उत्कृष्ट सहकारी संस्थाको रूपमा **पदमावती बचत तथा ऋण सहकारी संस्था लिमिटेड (साकोस)**लाई सम्मान प्रदान गरिएको छ।
संघले वित्तीय पारदर्शिता, सदस्य सेवामा सुधार, प्रविधिको उपयोग र सहकारी मूल्य–मान्यताप्रतिको प्रतिबद्धता जस्ता मापदण्डका आधारमा पदमावती साकोसलाई उत्कृष्ट सहकारीको रूपमा चयन गरेको हो।
यसै अवसरमा संघका पूर्व सञ्चालकहरूलाई समेत सहकारी क्षेत्रको योगदानको कदर गर्दै सम्मान गरिएको थियो।
कार्यक्रममा ललितपुर जिल्ला सहकारी कार्यालयका अधिकारी, संघका पदाधिकारी, विभिन्न सहकारी संस्थाका प्रतिनिधि तथा सरोकारवाला व्यक्तिहरूको उपस्थिति रहेको थियो।
