“असाध्यै जोखिम छ, ज्यानको नै आश मारेर काम गरिरहेका छौं, जतिबेला जे सुकै घटना पनि हुन सक्छ। भगवानको नाम लिएर काम गर्ने हो, जिम्मेबारीबाट भाग्न पनि त भएन। परिवारले यस्तो पहिरो गएको भीरमा काम गरेको थाहा पाए भने जागिर छाडेर आउनु भन्छन्। एकदिन मर्ने जूनी नै हो भनेर काम गरिरहेको छु। चाडपर्वको मुख छ, धेरै मानिसहरू घर जान खोजिरहेका छन्, कतिपय बाटोमा नै अलपत्र छन्, चाँडै पन्छाएर सक्न पाए सबैलाई सजिलो हुने थियो भन्ने कुरा मेरो दिमागमा आइरहन्छ। देश र जनताका लागि मैले यति गर्नु नै पर्छ भन्ने लाग्छ,”
भन्छन्— कमलेश चौधरी, एक्साभेटर चालक।
