🌾 साउन १५ — खीर खाने सांस्कृतिक दिन 🌾

नेपाल कृषिप्रधान देश हो। यहाँका majority किसानहरू असार १५ मा रोपाइँको उत्सव मनाउँछन् भने साउन १५ मा खीर खाएर मेहनतको मिठो सम्मान गर्छन्।

काठमाडौं उपत्यकामा साउन १५ का दिन खीर खाएर पर्व मनाउने परम्परा छ। यस दिनलाई शुभ मानिन्छ, किनकि यो दिन वर्षा र खेतीको चक्रसँग गहिरो सम्बन्ध राख्दछ। संस्कृतिविद् डा. विष्णु दाहालका अनुसार, कृषकहरूले धान रोप्ने काम सम्पन्न गरेपछि श्रमको सुखद अनुभूति स्वरूप खीर खाने परम्परा बसालिएको हो।

नेपालको लोकोक्ति अनुसार —

👉 “असार १५ दही चिउरा, साउन १५ खीर।”

साउन महिनालाई भगवान शिवको प्रिय महिना मानिन्छ। धेरै भक्तजन यो महिनाभर मासु, मदिरा त्याग गरी ब्रत बस्ने, फलफूल खाने, र दूधका परिकार—विशेषगरी खीर—सेवन गर्ने गर्दछन्।

खीर स्वास्थ्यका दृष्टिकोणले पनि लाभदायक मानिन्छ। वर्षा याममा फैलिन सक्ने संक्रमण र रोगहरूबाट जोगिन रोग प्रतिरोधात्मक क्षमता बढाउने खीरलाई उपयुक्त मानिन्छ।

🪔 साउन १५ लाई सम्झौं —

मेहनती किसान र उब्जनी दिने धरतीप्रति सम्मान प्रकट गर्ने दिन।

दूध, चामल र चिनी मिसाएर बनेको खीर, साँचो अर्थमा संस्कार र कृतज्ञताको स्वाद हो।